პარლამენტის ვიცე-სპიკერი არჩილ თალაკვაძე აცხადებს, რომ ყოფილი პრეზიდენტი მიხეილ სააკაშვილი, მიუხედავად მისი განცხადებისა, რომ პოლიტიკიდან დისტანცირდება, ჩართულია პოლიტიკაში და ამის საწინააღმდეგოს მტკიცება, საზოგადოებისთვის თვალებში ნაცრის შეყრაა.
„გარემოცვა, მისი ადვოკატები და ლობისტებიც ჩართულები არიან პირდაპირ პოლიტიკაში და იმის მტკიცება, რომ მიხეილ სააკაშვილი პოლიტიკაში არ არის ჩართული, ვფიქრობ, საზოგადოებისთვის თვალებში ნაცრის შეყრაა. იქნება თუ არა ის ჩართული პოლტიკაში, ამას არავითარ გავლენა და კავშირი არ აქვს მის პატიმრობასთან. ძალიან ბევრი ტყუილი არის როგორც მიხეილ სააკაშვილის გარემოცვის, ისე მისი უფლებადამცველების მხრიდან და ხშირ შემთხვევაში ეს ტყუილები ურთიერთგამომრიცხავია“, – აცხადებს თალაკვაძე.
„ნაციონალაური მოძრაობის“ გენერალური მდივანი ამტკიცებს, რომ „ქართულ ოცნებას“ სააკაშვილის თავისუფლების ეშინია, რადაგან პეტრე ცისკარიშვილის ლოგიკით, ექსპრეზიდენტი შესაძლოა, ქართულ პოლიტიკაში ჩაერთოს. ეს იმ ფონზე, როდესაც მიხეილ სააკაშვილი ამტკიცებს, რომ მას დიდი პოლიტიკა აღარ აინტერესებს.