ნაციონალური მოძრაობის” ცვალებად პოზიციებს არასერიოზულად აღიქვამს “ქართული ოცნება”. მმართველი გუნდის შეფასებით ოპოზიციურ პარტიაში დიდი გაუგებრობა. საქართველოს პარლამენტის თავმჯდომარის პირველი მოადგილე, გია ვოლსკი “ნაციონალურ მოძრაობას” რევოლუციურ კომიტეტს უწოდებს, რომელსაც მისი თქმით, ლევან ხაბეიშვილი ხელმძღვანელობს.
“ბოიკოტის შეწყვეტა არის ერთი საკითხი და ნიშნავს იმას, რომ ისინი ჩაერთვებიან საპარლამენტო საქმიანობაში. ჩვენ ნამდვილად არ გვაშინებს არც ხისტი არც კატეგორიული პოზიცია, ვისაც არ უნდა გააჩნდეს, მათ შორის თუნდაც “ნაცმოძრაობას”, მაგრამ კიდევ ერთხელ ვიმეორებ, ეს აღარ არის პოლიტიკური პარტია, ეს არის რევოლუციური კომიტეტი, ამას ხელმძღვანელობს ხაბეიშვილი და მისი პოზიცია დაპირისპირებული იმ პოზიციასთან, რასაც ნიშნავს პარლამენტში საქმიანობის გაგრძელება, რასაკვირველია, კიდევ ერთხელ გამოხატავს იმ რეალობას, რასთანაც გვაქვს საქმე. შეუთანხმებლობა ეს მეორე პრობლემაა, რომელიც მათ გააჩნიათ,” – აცხადებს გია ვოლსკი.