„ხალხის ძალის“ განცხადებებში არაერთხელ იყო ახსნილი, რომ არსებობენ ჩვენს ქვეყანაშიც, ევროპაშიც და ამერიკაშიც ის ძალები, რომელსაც ჩვენ პირობითად შევარქვით გლობალური ომის პარტია, რომლებიც პატრონობენ იმ გეგმას, რასაც ჰქვია ქართული სახელმწიფოებრიობის დანგრევა და ისეთი ხელისუფლების მოყვანა, რომელიც მათ ბრძანებებს დაემორჩილება. დღევანდელ სიტუაციაში პირველ რიგში ეს არის მეორე ფრონტის გახსნა საქართველოში, – ამის შესახებ „ხალხის ძალის“ ერთ-ერთმა ლიდერმა გურამ მაჭარაშვილმა „ქრონიკასთან“ განაცხადა.
„გიული ალასანიამ პრინციპში უკვე აღიარა, რომ იყო სააკაშვილის შემოსვლა იყო სპეცოპერაცია საქართველოში იმისთვის, რომ აქ მოეხდინა რევოლუცია. ეს იყო აღიარებითი ჩვენება. ისიც, რომ თავად გიული ალასანიას მილიონზე მეტი ღირებულების კონტრაქტზე ხელმოწერა აქვს შესაბამის კომპანიებთან, ეს იმას ემსახურება, რომ რაც არ გამოუვიდათ, ახლა სურთ გეგმა ბეზე დაიწყონ მუშობა. საზოგადოებამ ეს ყველაფერი დაინახა და არ აჰყვა ამ პროვოკაციას, მათ შორის სააკაშვილის მანიპულაციებს სამოქალაქო კლინიკაში. მთავარი ერთ რამეა – ქართულ საზოგადოებას აქვს საკმარისი ინფორმაცია „ხალხის ძალის“ წყალობით, ასევე ხელისუფლების გადაწყვეტილებით და პრაქტიკული მეცადინეობით რომ მშვიდობა არის შენარჩუნებული. აქედან გამომდინარე, ხალხსაც სწორი გადაწყვეტილება მიღებული აქვს, რომ განვითარდეს, სიმშვიდე შევინარჩუნოთ და პარალელურად უკრაინას მხარი დავუჭიროთ ტერიტორიული მთლიანობის აღდგენაში“, – განაცხადა მაჭარაშვილმა.
ყოფილი პრეზიდენტის მიხეილ სააკაშვილის დედა, გიული ალასანია აღიარებს, რომ მისი შვილის საქართველოში ჩამოსვლა ავანტიურა იყო.