“მედვედევისა და „ნაცმოძრაობის“ განცხადებები ერთმანეთს ემთხვევა”

მედვედევი თუ ამბობს, მაგალითად, 2008 წელს სააკაშვილმა დაიწყო ომი, შეგახსენებთ, რომ თავის დროზე ევროსაბჭოს რეზოლუციაში „ნაცმოძრაობამ“ ეს თავის ხელით ჩაწერა, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ ჟურნალისტებს რუსეთის ყოფილი პრეზიდენტის დიმიტრი მედვედევის განცხადების კომენტირებისას განუცხადა.

მან მიმართა მედიას, თუ რატომ დაემთხვა მედვედევის განცხადება „ნაცმოძრაობის“ მიერ ხელმოწერილ დოკუმენტის შინაარსს, ეს „ნაცმოძრაობის“ ჰკითხოს.

„კიდევ ერთხელ ვიტყვი, რომ მე ნამდვილად არ ვეცნობი „რია ნოვოსტის“ სტატიებს. უბრალოდ, ეს ინტერესი არ მაქვს. რაც შეეხება მედვედევი თუ ამბობს იმას, მაგალითად, სააკაშვილმა დაიწყო ომი, შეგახსენებთ, რომ ევროსაბჭოს რეზოლუციაში თავის დროზე ეს „ნაცმოძრაობამ“ თავის ხელით ჩაწერა. ანუ, ამ შემთხვევაში მედვედევისა და „ნაცმოძრაობის“ განცხადებები ერთმანეთს ემთხვევა. რატომ დაემთხვა მედვედევის განცხადება „ნაცმოძრაობის“ მიერ ხელმოწერილ დოკუმენტს, ეს „ნაცმოძრაობის“ ჰკითხეთ“, – განაცხადა კობახიძემ.