ე.წ. ჯაშუშობის საქმეზე გამართლებულ ფოტოგრაფებს, მორალურ ზიანს აუნაზღაურებენ. გადაწყვეტილება საქალაქო სასამართლომ მიიღო და ამის შესახებ გენერალურ პროკურატურას უკვე მიმართა.
ჯაშუშობის საქმეზე დაკავებულმა და გამართლებულმა ფოტოგრაფებმა, დღეს კიდევ ერთხელ გაიხსნეს, წლების წინ, თუ რა მეთოდებით აიძულეს დანაშაულის აღიარება, რომელიც ფოტოგრაფებს არ ჩაუდენიათ.
„საქალაქო სასამართლომ მიიღო გადაწყვეტილება და საქართველოს პროკურატურას დაეკისრა წინა რეჟიმის მიერ ჩადენილი დანაშაულების გამო ჩვენთვის მორალური ზიანის ანაზღაურება. მნიშვნელობა არ აქვს აქ კონკრეტულ ციფრებს, მნიშვნელობა აქვს იმას, რომ ყოველთვის გვჯეროდა, სამართალი იზეიმებდა და ეს შედეგი ჩვენ უკვე სახეზე გვაქვს“, – განაცხადა დაზარალებულმა ფოტოგრაფმა, ნათია გედენიძემ.
ფოტორეპორტიორებმა პირველ გამარჯვებას 2018 წელს მიაღწიეს, როდესაც სასამართლოს გადაწყვეტილებით ყველა ბრალი მოეხსნათ და მათი უდანაშაულობა დამტკიცდა. ფოტოგრაფები დღესაც აცხადებენ, რომ მათი დაკავებისა და გასამართლების ერთადერთი მიზეზი, საერთაშორისო მედიაში 2011 წლის 26 მაისს, რუსთაველის გამზირზე გადაღებული უმძიმე კადრების გავრცელება გახდა, რომელიც მშვიდობიან აქციაზე შეკრებილთა სასტიკ დარბევას ასახავდა.
ჯაშუშობის საქმეზე გამართლებულ ფოტოგრაფებს მორალურ ზიანს აუნაზღაურებენ.