მთავრობის ორგანიზებით, დღეს და ხვალ ორბელიანის მოედანზე „ევროპის დღეები“ გაიმართება, რომელიც შვედურ და ესპანურ კულტურას წარმოაჩენს.
მთავრობის ადმინისიტრაციის წარმომადგენლის თათა სვანიძის განცხადებით, ამასთან დაკავშირებით სხვადასხვა ღონისძიებაა დაგეგმილი.
„17:00 საათიდან ორბელიანის მოედანზე მოსულ სტუმრებს დახვდებათ ტრადიციული ესპანური კულინარია. სპეციალურად ამ დღისთვის ხელნაკეთი ისტორიული კოსტიუმებია ჩამოტანილი და დამთვალიერებელს შესაძლებლობა ექნება ამ ყველაფერს გაეცნოს. ასევე, გვექნება გიტარის მასტერკლასები, გვეყოლებიან ესპანელი მოცეკვავეები, რომლებიც შეეცდებიან აქ მოსულებს ცეკვა ასწავლონ. 20:00 საათზე კი ანტონიო გადესის დასი, რომელიც სპეციალური მოწვევით იმყოფება ჩვენთან, წარმოადგენს კარმენსა და ფლამინგოს ცეცხლოვან შოს“, – განაცხადა თათა სვანიძემ.