გუშინ წამოსცდა თუ აღიარა სალომე სამადაშვილმა, რომ ისინი ჩვენი ქვეყნის ინტერესების დასაზიანებლად ყველაფერს აკეთებენ, პირველ რიგში, კანდიდატის სტატუსის მიღების თვალსაზრისით, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ ბრიფინგზე განაცხადა.
„პირდაპირ კამპანიას აწარმოებენ კანდიდატის სტატუსის წინააღმდეგ და სანქციების მოთხოვნა ამის შემადგენელი ნაწილია. როდესაც შენ ცდილობ, ხელისუფლებას დაუწესო სანქციები, ასეთ პირობებში ზუსტად იცი, რომ კანდიდატის სტატუსს არავინ მოგცემს. ამას ისინი ღიად აკეთებენ, არ ერიდებიან. ეს არის ძალიან ბინძური ქმედებები სახელმწიფოსა და ხალხის წინააღმდეგ. ისინი სამწუხაროდ, ყოველთვის ამ სულისკვეთებით მოქმედებენ“, – აღნიშნა კობახიძემ.
კომენტარები