ევროსასამართლოს ეს პროცედურული გადაწყვეტილება ბუნებრივია არ იყო ყველაზე სასურველი შედეგი ჩვენი მხარისთვის, – ამის შესახებ მიხეილ სააკაშვილის ადვოკატმა, შოთა თუთბერიძემ განაცხადა, რითაც საქმეზე „სააკაშვილი საქართველოს წინააღმდეგ“ ადამიანის უფლებათა ევროპული სასამართლოს მიერ გამოტანილ გადაწყვეტილებას გამოეხმაურა.
„ჩვენი დაცვის სტრატეგიაში არავითარი მნიშვნელოვანი ცვლილების შეტანას არ ვაპირებთ. ეს არც ისე მნიშვნელოვანი საკითხი გახლდათ, ვინაიდან მთავარია ამ საქმის არსებითი განხილვა. ვფიქრობთ, რომ სააკაშვილის მიმართ სახელმწიფომ დაარღვია წამებისა და არაადამიანური მოპყრობის პრინციპი და ეს გახლავთ სიცოცხლის უფლების ნაწილი“, – აცხადებს თუთბერიძე.
კომენტარები