დავით გადელია სოციალურ ქსელში პოსტს აქვეყნებს.
“ნამდვილად არ ვამბობ კუდების გამოსაბმელად- ყველა ოჯახს თავისი ანგარიში აქვს- სად ასწავლოს თავის აბიტურიენტს. მეც ახლა ამ დღეში ვარ… ახლა წავიკითხე ქალბატონ ელენე ხოშტარიას ასაკი. ნუ მიწყენს, ცოტა მეტის მეგონა და მაშინ ნაკლებ გაოცებას გამოიწვევდა მისი 25 -27 წლის წინანდელი გადაწყვეტილება. მაგრამ 1979 წელს ყოფილა დაბადებული. ანუ, აბიტურიენტი იყო 1996 წლისათვის (+-1წელი). რამ გადააწყვეტინა ან მას, ან მის ოჯახს ამ წლებში მოსკოვში უმაღლესი განათლების მიღება, თანაც პოლიტიკის შემსწავლელი მეცნიერების??! მართლა ძალიან შორს ვარ ჭორაობისგან და არასდროს არავის არაფერს არ დავაბრალებ. თუ მსგავსს დაწერთ კომენტარში- აუცილებლად წავშლი, მაგრამ როგორც ახლა აბიტურიენტის მამას, მაინტერესებს რა მოტივები შეიძლება ამოძრავებდა ოჯახს? თუნდაც გოგის, რომელიც საგარეო საქმეთა (!!) მინისტრი იყო, როცა მისივე აზრით, მისი მთავრობა სწორედ რუსების ძალისხმევით გადააგდეს ძალით! ან რა ისეთი განსაკუთრებული ცოდნის მიღება შეიძლება მოსკოვის პოლიტიკურ სასწავლებელში?
ვიცი, ცუდ დროს ვიკითხე, ახლა ძალაუნებურად დაუკავშირებთ მოცემულ სიტუაცის ჩვენ ქვეყანაში, მაგრა ახლა აღმოჩნდა ყურადღების ცენტრში ეს ქალბატონი და სხვა დროს მე ის ალბათ აღარ გამახსენდება..”
