“საერთოდ, რა კავშირშია ფრენები რუსეთის დაახლოებასთან, ჩემთვის გაუგებარია, მაშინ როდესაც ჩვეულებრივად სახმელეთოდ, შესაძლებელია მიმოსვლა, შესაძლებელი იყო ერევნის გავლით ჩამოსულიყვნენ როგორც საქართველოს, ისე რუსეთის მოქალაქეები საქართველოში და რა პრობლემაა ის, თუ პირდაპირი ფრენები იქნება შესაძლებელი”,- ამის შესახებ თბილისის მერმა, კახა კალაძემ განაცხადა.
მისივე თქმით, როდესაც საქართველოს ექნება სტატუსი, როდესაც საქართველო იქნება ევროკავშირის წევრი ქვეყანა მიღებული იქნება ისეთი გადაწყვეტილებები, რომელიც საერთო ინტერესებში შედის.
„ჩვენ არაერთხელ გაგვიკეთებია განცხადება იმასთან დაკავშირებით, რომ სანქციებს არ და ვერ შევუერთდებით. ეს ყველაფერი განპირობებულია იმით, რომ ჩვენ ვატარებთ ჩვენი ქვეყნის ინტერესს და არ გვინდა მივიღოთ ისეთი გადაწყვეტილება, რომელიც თავიდანვე ვიცით, რომ დამაზიანებელი იქნება ჩვენი ქვეყნისთვის და მოსახლეობისთვის. საქართველო არ არის ევროკავშირის წევრი ქვეყანა. ჩვენ ვართ დამოუკიდებელი სახელმწიფო, სუვერენული ქვეყანა, რომელიც მიისწრაფვის ევროპისკენ და გვაქვს სურვილი მოხდეს ევროინტეგრაცია. როდესაც საქართველოს ექნება სტატუსი, როდესაც საქართველო იქნება ევროკავშირის წევრი ქვეყანა ჩვენც მივიღებთ ისეთ გადაწყვეტილებებს, რომელიც შედის საერთო ინტერესებში.
საერთოდ, რა კავშირშია ფრენები რუსეთის დაახლოებასთან, ჩემთვის გაუგებარია, მაშინ როდესაც ჩვეულებრივად სახმელეთოდ, შესაძლებელია მიმოსვლა, შესაძლებელი იყო ერევნის გავლით ჩამოსულიყვნენ როგორც საქართველოს, ისე რუსეთის მოქალაქეები საქართველოში და რა პრობლემაა ის, თუ პირდაპირი ფრენები იქნება შესაძლებელი. აბსოლუტურად ვერ ვხდები ეს რატომ ეწინააღმდეგება ევროპულ მომავალს, ევროინტეგრაციას, თუ საქართველოს მოქალაქე ქართული პასპორტით ვიზის გარეშე შეძლებს რუსეთის ფედერაციაში გადაადგილებას, ვისაც ამისი სურვილი აქვს. ვიღაცას შეიძლება ჰქონდეს სურვილი წავიდეს რუსეთში, ვიღაცა წავა იტალიაში, ვიღაც ესპანეთში, რა არის ამაში ცუდი?!”, – განაცხადა კალაძემ.