ვიზიარებ ზურაბ ქურციკიძის ოჯახისა და ახლობლების მწუხარებას. რაც მოხდა თავის დროზე, უკანონო დაპატიმრების სახით, მაშინდელი რეჟიმის მიერ ნიღბის ბოლომდე ჩამოხსნა იყო. მხოლოდ და მხოლოდ ფოტოების გამო ოთხი ფოტოგრაფი უკანონოდ დააპატიმრეს – ეს იყო უბრალოდ გაუგონარი მოვლენა, რომელიც აჩვენებდა მაშინდელი რეჟიმის სახეს, – ამის შესახებ „ქართული ოცნების“ თავმჯდომარემ, საპარლამენტო უმრავლესობის ლიდერმა, ირაკლი კობახიძემ განაცხადა.
„არ შემიძლია ისიც არ გავიხსენო, რომ მაშინ არ მახსენდება შეშფოთებული განცხადებები ამ ფაქტთან დაკავშირებით, მიუხედავად იმისა, რომ ასე უხეშად ირღვეოდა ადამიანის უფლებები. ამ ფონზეც კი არ გვახსოვს შეშფოთებები სხვადასხვა მიმართულებიდან. ეს იყო ძალიან მძიმე დრო – ყველას კარგად გვახსოვს, ადამიანის უფლებების კუთხით და დემოკრატიის კუთხით რა ვითარება იყო. კიდევ ერთხელ მადლობა მინდა გადავუხადო თითოეულ იმ ადამიანს, რომელმაც მაშინ რეალურად გმირობა ჩაიდინა ამ ფოტოების გადაღებით და გამოქვეყნებით“, – აღნიშნა კობახიძემ.