საქართველოს პარლამენტის თავმჯდომარის პირველი მოადგილე გიორგი ვოლსკი რუსეთის ფედერაციიდან ელენე ხოშტარიას ოჯახის ანგარიშზე 5 მილიონი რუბლის ჩარიცხვის ფაქტს ეხმიანება.
გიორგი ვოლსკი აცხადებს, რომ რუსეთი საკუთარი ინტერესების მიღმა ხოშტარია ფულს არ ჩაურიცხავდა.
მისივე თქმით, სწორედ ელენე ხოშტარიას ქმედებები და ბარიერების შექმნა ევროატლანტიკური მისწრაფების წინააღმდეგ განსაზღვრავს იმას, თუ რა ოდენობით თანხებს მიიღებს რუსეთიდან.
“რა სისტემა მუშაობს რუსეთში ისეთი, რომ ელენე ხოშტარიას ოჯახის ვალი აქვს მუდმივად. ამ დროს, რუსეთის ფედერაციას ებრძვის ასე გამწარებული ელენე ხოშტარია, თითქოს ებრძვის, მაგრამ რომ გავაანალიზოთ სიტუაცია, რუსეთის ფედერაციას დღეს აწყობს გარკვეული ბარიერების შექმნა, საქართველოს ევროატლანტიკური ინტეგრაციის გზაზე.
ამ ბარიერების მშენებლობაში ერთ-ერთი გამორჩეული არის ელენე ხოშტარია და ზუსტად იმ ჩარიცხვებს და იმ თანხების ოდენობას ემთხვევა აქტიურია ელენე ხოშტარია თავის დესტრუქციულ საქმიანობაში. რამდენ საღებავსაც მიასხამს კედლებზე, იმდენი ემატება და ინტენსიური ხდება რუსეთის ბიუჯეტიდან დახმარება. ასე რომ, არავინ იფიქროს, რომ ქვეყნები თავის ინტერესების გარეშე აკეთებენ რამეს, მით უმეტეს რუსეთის ფედერაცია,”-აცხადებს გიორგი ვოლსკი.