“ლევან ხაბეიშვილის შეთავაზება ძალიან არაკორექტული და არაეთიკურია – როდესაც შენ პირადად არაფერს წარმოადგენ”

ლევან ხაბეიშვილის შეთავაზება ძალიან არაკორექტულია და არაეთიკური. პოლიტიკურად წამგებიანი პოზიციაა ასეთი ბაქიბუქი, როდესაც შენ პირადად ნამდვილად არაფერს წარმოადგენ, – აცხადებს „ნაციონალური მოძრაობის“ წევრი ბაჩო დოლიძე.

„თავმჯდომარე ხარ და გადაწყვეტილებებს ვერ იღებდე, ეს უფრო ყურადღება მისაქცევია, ვიდრე ის, რეკომენდაციები მისცე სხვა პარტიებს. ლევანს არც აღვიქვამ პრობლემად? პრობლემას წარმოადგენენ ადამიანები – კეზერაშვილი, მერაბიშვილი, ადეიშვილი, რომლებიც დღეს რეალურად მას აკეთებინებენ იმას, რასაც თვლიან საჭიროდ“, – ამბობს ბაჩო დოლიძე.

„ნაციონალური მოძრაობის“ თავმჯდომარემ, ლევან ხაბეიშვილმა განაცხადა: „ჩვენთან უნდა ისაუბროს ყველამ, მოვიდნენ და თუ უნდათ, მივეხმარებით, რომ 5-7% მიიღონ, რათა ხვალ, ზეგ იყოს კოალიციური მთავრობა“.