პრეზიდენტის მხრიდან სხვადასხვა სფეროში გამოჩენილი არაკონსტრუქციული და არათანამშრომლობისკენ მიმართული ნაბიჯები, რა თქმა უნდა არის კონსტიტუციის სულისკვეთების შელახვა და თვითონ აფერხებს ქვეყანაში ინსტიტუციების ნორმალურად ფუნქციონირებას, – ამის შესახებ საპარლამენტო უმრავლესობის წევრმა, საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა „ქრონიკასთან“ განაცხადა.
„ეს არის არასწორი პოლიტიკური ხედვა და აგრეთვე არა მართლზომიერი ჩარევა პოლიტიკურ პროცესში. ამ შემთხვევაში პრეზიდენტი არის გარკვეული ოპოზიციური პოლიტიკური დღის წესრიგის გამტარებელი, რომელიც არ არის სწორი“, – აღნიშნა ირაკლი ქადაგიშვილმა.
პარტია „ქართული ოცნების“ განცხადებით, იკვეთება აშკარა ნიშნები იმისა, რომ პრეზიდენტი სალომე ზურაბიშვილი თავისი ქმედებებით მიზანმიმართულად უქმნის დაბრკოლებას საქართველოს ეროვნული ბანკის ჯეროვან საქმიანობას.