დღეს ჩვენ ასევე აღვნიშნავთ საქართველოს დამოუკიდებლობის 105-ე წლისთავს. ჩვენმა პირველმა დემოკრატიულმა რესპუბლიკამ მიიღო ჩვენი პირველი კონსტიტუცია. ეს კონსტიტუცია, რომელსაც ჩვენი დღევანდელი კონსტიტუცია ეფუძნება, ასახავდა იმ პერიოდის ევროპაში ყველაზე პროგრესულ ტენდენციებს. ახალგაზრდა, მაგრამ ხანმოკლე ქართული დემოკრატიული რესპუბლიკა უკვე მხარს უჭერდა ისეთ ღირებულებებს, როგორებიც არის თავისუფლება, დემოკრატია და კანონის უზენაესობა, – ამის შესახებ ირაკლი ღარიბაშვილმა ბრიუსელში, საქართველოს დამოუკიდებლობის დღისადმი მიძღვნილ ღონისძიებაზე სიტყვით გამოსვლისას განაცხადა. პრემიერ-მინისტრმა მიხეილ მუსხელიშვილი გაიხსენა.
„ამ კონტექსტში მინდა გავიხსენო ძალიან ცნობილი ქართველი ადამიანი მიხეილ მუსხელიშვილი – მიშელ მუსხელი – ქართველი მეცნიერი და ევროკონსტიტუციის პროექტის თანაავტორი. ადამიანი, რომელმაც თავის დროს გაუსწრო, გაერთიანებული ევროპის იდეით გატაცებულმა, მისი ჩამოყალიბება იწინასწარმეტყველა. მან ერთხელ თქვა, რომ საქართველომ იცის, რომ მისი ადგილი ევროპაშია და საჭიროა, რომ საქართველომ დაიკავოს თავისი ადგილი ევროპაში და დასავლურმა ქვეყნებმა მიიღონ საქართველო თავიანთ ოჯახში. ეს სიტყვები, ძვირფასო მეგობრებო, თითქმის ერთი საუკუნის წინ იყო წარმოთქმული. დღეს ჩვენ უკვე გვიღებენ ევროპული ერების ოჯახში და ჩვენც გვინდა ეს თქვენთან ერთად ვიზეიმოთ“, – განაცხადა ღარიბაშვილმა.