“ივნისის ბოლომდე ყველა ის რეკომენდაცია შესრულდება, რაზეც “ქართულ ოცნებას“ პასუხისმგებლობის აღება შეუძლია”

ივნისის ბოლომდე ყველა ის რეკომენდაცია შესრულდება, რაზეც „ქართულ ოცნებას“ პასუხისმგებლობის აღება შეუძლია. რასაც სჭირდება ორმხრივი პასუხისმგებლობის აღება – „ქართული ოცნებისა“ და ოპოზიციის მიერ, იქ სხვაგვარია ვითარება, – ამის შესახებ „ქართული ოცნების“ თავმჯდომარემ ირაკლი კობახიძემ ჟურნალისტებთან საუბრისას განაცხადა.

„სადაც ჩვენი ცალმხრივი პასუხისმგებლობით შეიძლებოდა 12 პუნქტის შესრულება, ბოლომდე შევასრულეთ ეს პუნქტები. სადაც იყო მრავალმხრივი ან ორმხრივი მოქმედება საჭირო, იქ უფრო რთულად არის საქმე“, – აღნიშნა კობახიძემ.