„ჩემი აზრით, გეოპოლიტიკური პროცესები ისეთ მდგომარეობაშია შესული, რომ ევროკავშირმა ეს შანსი არ უნდა გაუშვას ხელიდან და არც ჩვენ უნდა გაგვაშვებინოს ეს შანსი და აუცილებლად უნდა მოგვანიჭოს კანდიდატის სტატუსი”, – ამის შესახებ მმართველი გუნდის წევრმა, ბექა დავითულიანმა “ქრონიკის” ეთერში საუბრისას განაცხადა.
მისივე თქმით, ეს იქნება გზავნილი როგორც რეგიონში, ისე მსოფლიოში, რომ საქართველო ევროკავშირის ინტერესების დაფარვის ქვეშ არის.
“ევროპარლამენტიც ისეთივე პოლიტიკური ინსტიტუციაა, როგორიც საქართველოს პარლამენტი – იქ კეთდება განცხადებები პოლიტიკური მიზანშეწონილობისა და პოლიტიკური კუთვნილებიდან გამომდინარე.
თუ რამდენად წარმატებულად იყო განხორციელებული კონკრეტული ცვლილებები, ამას აფასებს სპეციალური ჯგუფი, რომლის საფუძველზე და არა ევროპარლამენტი, არამედ ევროპის საბჭო იღებს გადაწყვეტილებას.
ჩემი აზრით, გეოპოლიტიკური პროცესები ისეთ მდგომარეობაშია შესული, რომ ევროკავშირმა ეს შანსი არ უნდა გაუშვას ხელიდან და არც ჩვენ უნდა გაგვაშვებინოს ეს შანსი და აუცილებლად უნდა მოგვანიჭოს კანდიდატის სტატუსი, რადგან ეს არის გზავნილი როგორც რეგიონში, ისე მსოფლიოში, რომ საქართველო ევროკავშირის ინტერესების დაფარვის ქვეშ არის. ეს გზავნილი თუ არ გაეგზავნა მთელ მსოფლიოს და პირველ რიგში ჩვენს ჩრდილოელ მეზობელს, ეს ძალიან ცუდად იქნება აღქმული და ამან შეიძლება გამოიწვიოს ჩვენზე წნეხის გაძლიერება გარკვეული მიმართულებით. ამიტომ, ევროკავშირმა ეს შეცდომა არ უნდა გაიმეოროს“, – განაცხადა დავითულიანმა.