არ შეიძლება კანდიდატის სტატუსი დაკავშირებული იყოს უსასტიკესი დამნაშავისა და უსასტიკესი სისტემის შემქმნელის გათავისუფლებასთან. არ შეიძლება ევროპული ღირებულებები ვინმემ მონათლოს ისე, თითქოს ეს არის დამნაშავე სააკაშვილის გამოშვება-არგამოშვება, – ამის შესახებ ჟურნალისტებს „ქართული ოცნების“ აღმასრულებელმა მდივანმა, ფრაქცია „ქართული ოცნების“ თავმჯდომარემ, მამუკა მდინარაძემ განუცხადა.
„არ შეიძლება სააკაშვილის კუჭზე გადიოდეს საქართველოს ევროპული ინტეგრაცია. ამაზე სერიოზულად არ უნდა ვილაპარაკოთ. ეს შეურაცხმყოფელია ჩვენი ხალხისა და სამშობლოსთვის, რომ მიხეილ სააკაშვილის გათავისუფლებასა და კუჭზე გადის საქართველოს ევროპული ინტეგრაცია. ამ ლოგიკაში არ უნდა შევყვეთ და ვთქვათ, რომ ეს აბსოლუტურად წარმოუდგენელი მესიჯია, რომელსაც ვიღაცები ბედავენ“, – აღნიშნა მდინარაძემ.