ნოდიკო ტატიშვილი და ჯულიანა ბარ-გნარი ახლო მეგობრები არიან. ხშირად დებენ ერთად გადაღებულ ფოტოებს და ჭორებიც გავრცელდა, რომ შეყვარებულები არიანო. ამის შესახებ ჯულიანა ბარგნარმა ჟურნალ “თბილისელებთან” ისაუბრა.
“მე და ნოდიკო ისე ახლოს ვართ, ისე გვიყვარს ერთმანეთი, რომ ვინც არ გვიცნობს შეიძლება, ეს სხვანაირად მიიღოს. ასე, ბიჭი არ მყვარებია, როგორც ნოდიკო. ჩემთვის უძვირფასესი ადამიანია და როგორც ძმას, ისე ვუყურებ. შემიძლია, მასთან ძალიან ახლოს ვიყო, ჩავეხუტო, ვაკოცო და ვიცი, რომ მისგანაც იგივე გრძნობა მოდის. ამიტომ, მასთან მეც თავისუფალი ვარ. მისგან სხვა ემოცია, გრძნობა რომ წამოსულიყო. ალბათ, მეც არ მივცემდი თავს ამის უფლებას. ჩვენ ვგიჟდები ერთმანეთზე და როცა ვხვდებით, შორიდან ვინმე იფიქრებს: ესენი შეყვარებულები არიან და ლამაზი წყვილიო. ნოდიკო ძალიან ბრძენი ადამიანია. ყველას უნდა ჰყავდეს ასეთი მეგობარი. თუ პრობლემა გაქვს, კი არ მოვა და გეტყვის, კარგი რა ჯული, დამშვიდდიო. ზუსტად იცის, რა პრობლემა მაქვს და რა უნდა მითხრას. ზოგჯერ შეიძლება, რაღაც უხეშადაც გამოსდის, მაგრამ ვიცი, რომ ჩემთვის კარგი უნდა” – ამბობს ჯულიანა ბარგნარი.