საქართველოს საგარეო საქმეთა მინისტრმა პორტუგალიაში ვიზიტი დაასრულა. ვიზიტის შეფასებისას ილია დარჩიაშვილმა აღნიშნა, რომ საქართველოს ევროინტეგრაციის გზაზე პორტუგალიის მხარდაჭერა ექნება.
„პორტუგალია ევროკავშირის ერთ-ერთ წევრი ქვეყანაა, რომელიც მყარად უჭერს მხარს საქართველოს ევროპულ და ევროატლანტიკურ ინტეგრაციას. ვიზიტის ფარგლებში შეხვედრა მქონდა ჩემს პორტუგალიელ კოლეგასთან, რომელთანაც ჩვენს ორმხრივ ურთიერთობებში არსებული საკითხების ფართო სპექტრზე ვისაუბრეთ. ვისაუბრეთ მომავალ თანამშრომლობაზე – როგორც ორმხრივ, ასევე მრავალმხრივ ფორმატებში.
პორტუგალიის ძალიან ძლიერი მხარდაჭერა გვექნება. მინისტრს აღუქვი საქართველოში რეფორმების გატარებისა და 12 პრიორიტეტის შესრულების მიმართულებით ჩვენი განსაკუთრებული ძალისხმევა.
შეხვედრა მქონდა ევროპულ საქმეთა სახელმწიფო მდივანთან, რომელთანაც ასევე 12 პუნქტის მიმართულებით ვისაუბრეთ და მასთანაც გვქონდა საუბარი იმაზე თუ როგორ უნდა გავაგრძელოთ მჭიდრო კოორდინაცია იმისთვის რომ საქართველომ წლის ბოლოსთვის მიიღოს ევროკავშირის წევრი ქვეყნის კანდიდატის სტატუსი.
ასევე ძალიან საინტერესო შეხვედრა მქონდა პარლამენტის სპიკერთან, რომელთანაც ვისაუბრე იმაზე თუ რა დიდი მნიშვნელობა აქვს საპარლამენტო გადაწყვეტილებებს მთავრობებს შორის თანამშრომლების ფორმატში. პარლამენტის პრეზიდენტმა მხარდაჭერა აღგვიქვა, რომ საპარლამენტო განზომილებიდან საქართველოს ექნება ძლიერი მხარდაჭერა პორტუგალიიდან “, – განაცხადა დარჩიაშვილმა.