მიგვაჩნია, რომ გამარჯვების ფორმულა არის არა „ნაციონალურ მოძრაობის“ ირგვლივ გაერთიანება, არამედ ალტერნატიული ცენტრის გაძლიერება, – ამის შესახებ დეპუტატი თეონა აქუბარდიამ განაცხადა.
მისი თქმით, „რეფორმების ჯგუფის“ წევრები აპირებენ თანამშრომლობას იმ ალტერნატიულ ცენტრთან, რომელთანაც საერთო ღირებულება აქვთ.
„ამ მოცემულობაში, როდესაც „სტრატეგია აღმაშენებელმა“ გადაწყვიტა „ნაციონალური მოძრაობასთან“ ერთად საარჩევნოდა გასვლა, ჩვენ ამ ტაქტიკას არ ვიზიარებთ. სამიდან არცერთი არ ვაპირებთ „5“ ნომრით წარვდგეთ არჩევნების დროს. შესაბამისად, ვფიქრობ, ესაა მთავარი წყალგამყოფი ამ მოცემულობაში, იმის მიუხედავად, რომ წარმატებას ვუსურვებთ „სტრატეგია აღმაშენებელს“ იმ გზაზე, რაც მათ აარჩიეს.
ვფიქრობ, ლოგიკური იქნება მათი თანამშრომლობა იმ პოლიტიკურ ძალასთან, რომელთან ერთადაც არჩევნებზე აპირებენ გასვლას და ჩვენ ვაპირებთ თანამშრომლობას იმ ალტერნატიულ ცენტრთან, რომელთანაც საერთო ღირებულება გვაქვს და მიგვაჩნია, რომ გამარჯვების ფორმულა არის არა „ნაციონალურ მოძრაობის“ ირგვლივ გაერთიანება, არამედ ალტერნატიული ცენტრის გაძლიერება“, – განაცხადა აქუბარდიამ.