განკარგულების შესაბამისად, ჩვენ ჩავრთავთ [ოპერაციაში] 2 ასეულს. ერთი იქნება გვარდიის ასეული, რომელსაც აქვს სპეციალური აღჭურვილობა და ასევე დასავლეთ სარდლობის მესამე ბრიგადა ჩაერთვება, – ამის შესახებ ჯუანშერ ბურჭულაძემ განაცხადა, რომელიც ონის მუნიციპალიტეტში იმყოფება. თავდაცვის მინისტრმა განმარტა რაზე იმუშავებენ სამხედროები.
„ველით, რომ 1,5 საათში იქნებიან ადგილზე. ასევე გვაქვს გასაშლელი საფეხმავლო ხიდი, რომელსაც საჭიროების შემთხვევაში გავშლით სტიქიის ადგილზე. იცით, რომ დღეს აქ გაწმენდითი სამუშაოებია ჩვენი მთავარი ამოცანა და, რა თქმა უნდა, ძალისხმევას არ დავიშურებთ, რომ ძალიან სწრაფად ჩავატაროთ გაწმენდითი სამუშაოები“, – განაცხადა მინისტრმა.
მეწყერი შოვში 3 აგვისტოს ჩამოწვა. ბოლო მონაცემებით, შოვში სტიქიის შედეგად დაღუპულია 7 ადამიანი, 30 დაკარგულს კი ამ დრომდე ეძებენ. მათთან დაკავშირება ვერ ხერხდება.