საერთაშორისო გამჭვირვალობა – საქართველოს”, “კონსტიტუციის 42-ე მუხლის”, “მედიის განვითარების ფონდის” “ჯიპას”, “სტუდია მონიტორის”, “მედიაკლუბის” და ევროსაბჭოს წარმომადგენლები “საზოგადოებრივი მაუწყებლის” გენერალურ დირექტორს, ვასილ მაღლაფერიძეს, მის მრჩევლებსა და არხის აღმასრულებელი საბჭოს წარმომადგენლებს ხვდებიან.
შეხვედრა “საზოგადოებრივი მაუწყებლის” შენობაში მიმდინარეობს.
შეხვედრაზე ვასილ მაღლაფერიძემ არხის რეიტინგთან დაკავშირებით მონაცემები წარმოადგინა, რომლის მიხედვითაც, 2016 წლის დასაწყისში არხის წილი ბაზარზე 2.4% იყო, ხოლო 2017 წლის დასაწყისში 1.6%.
მისი თქმით, არხი ყოველკვირეულად კარგავს მაყურებელს და საჭიროა ცვლილებები, რომ საზოგადოებრივმა მაუწყებელმა ბაზრის 15% მაინც დაიკავოს.
“ჩვენ გვინდა ცვლილებები. ვფიქრობ, საზოგადოების დაკვეთაც ცვლილებებია, მაგრამ როგორც ეს ნებისმიერ რეფორმასთან დაკავშირებით ხდება, ბევრს არ სურს ცვლილებები”, – აღნიშნა ვასილ მაღლაფერიძემ.