ანზორ ჩუბინიძე ბერლინში მისი ყოფნის მიზეზებს განმარტავს და აღნიშნავს, რომ მისი გერმანიაში გამგზავრების მიზანი პატრიარქისთვის მაქსიმალურად უსაფრთხო და კომფორტული გარემოს შექმნაა.
”საპატრიარქოს უსაფრთხოება მუდმივად იყო ჩვენი, ისევე როგორც საქართველოს სხვა სპეცსამსახურების მზრუნველობის საგანი. პატრიარქი უკვე წაიყვანეს საოპერაციოდ და კარგი იქნება ყველა ამის გარშემო გავერთინდებით”, – აცხადებს ანზორ ჩუბინიძე ”გურიანიუსთან” ინტერვიუში.
მისივე თქმით, პატრიარქის დაცვის გაძლიერება პროკურატურაში დაწყებულ გამოძიებას უკავშირდება, თუმცა როგორც აღნიშნავს, ეს უფრო პრევენციული ხასიათისაა და უსაფრთხოების პრობლემა არ დგას.
საპატრიარქოს ქონების მართვის სამსახურის ხელმძღვანელი მამა გიორგი მამალაძე ამ დროისთვის სასჯელაღსრულების დაწესებულებაშია გადაყვანილი.
მამა გიორგი მამალაძეს აღკვეთის ღონისძიების სახით პატიმრობა პროკურატურის შუამდგომლობის საფუძველზე შეეფარდა.
საპატრიარქოს ქონების მართვის სამსახურის ხელმძღვანელი სამი დღის წინ, აეროპორტში დააკავეს. ის ბერლინში, პატრიარქთან გამგზავრებას გეგმავდა.
კონკრეტულად რას უკავშირდება მისი აყვანა, უცნობია, ვინაიდან ოფიციალურ უწყებებს აღნიშნულთან დაკავშირებით კომენტარი ჯერჯერობით არ გაუკეთებიათ. არსებული ცნობით, საქმეს გრიფით „საიდუმლო“ ადევს. არსებული ინფორმაციით, საქმეზე დაიკითხა პატრიარქის დაცვის უფროსი სოსო ოხანაშვილი, რომელიც ამ მიზნით ბერლინიდან თბილისში გამოემგზავრა. ოხანაშვილი დაკითხვის შემდეგ კვლავ გერმანიაში დაბრუნდა.