მამა თეოდორე გიგნაძე საპატრიარქოში არსებულ განუსაზღვრელ ძალაუფლებაზე და პატრიარქის მდივანი -რეფერენტის, შორენა თეთრუაშვილის მიმართ არსებულ ბრალდებაზე “არჩევანის” ეთერში საუბრობს.
“არაფერს გამოვრიცხავ. არც იმას, რომ მეუფე ცდება, არც იმას, რომ მდივან რეფერატია დამნაშავე. არ მინდა უნდობლობა გამოვუცხადო ეპისკოპოსს და არ მინდა ვიყო ადვოკატი საპატრიარქოს მდივანი -რეფერენტის, მაგრამ მე მიჩნდება კითხვა, თუ ეკლესიაში არსებობს მდივანი, რომელსაც ეკლესიაში იურიდიული ძალაუფლება არ აქვს და მაღალ იერარქებს ეს იურიდიული ძალაუფლება გააჩნიათ, როგორ შეიძლება ეს ერთი ადამიანი მართავდეს ეკლესიას? თუ ეს ასეა საშინელებაა და რას აკეთებს 47 ეპისკოპოსი? თუ მართლა ასეა ეპისკოპოსების ბრალი ყოფილა”- აღნიშნა მამა თეოდორე გაგნიძემ.
მისი თქმით, არ ახსენდება ფაქტი, როცა პატრიარქთან შეხვედრის პრობლემა შეექმნა.
“ვიღაცამ რომ დამაბრალოს და მითხრას, რომ შენ ხარ მორჩილი მდივნის, გინდა ქალბატონი იყოს, გინდა კაცი, ჩემთვის ეს იქნება ღირსების შეურაცხყოფა. მე ვარ უფლის მორჩილი და აქედან გამომდინარე ჩემი ეპისკოპოსის. არ მახსოვს არც ერთი შემთხვევა, რომ მე მომენდომებინა პატრიარქთან შეხვედრა, ინფორმაციის მიწოდება, ან ეკლესიაში რამის გაკეთება და ვინმეს ხელი შეეშალოს. ვერც შემიშლიდა”- განმარტა მამა თეოდორემ.