თბილისის მერის ინიციატივით, მოქალაქეებისთვის საცხოვრებელი ფართების დაკანონების პროცესი გრძელდება.
დედაქალაქის მერიის ინფორმაციით, ოჯახებს, რომელთაც წლების განმავლობაში საცხოვრებელი ფართების დაკანონების პრობლემა აწუხებდათ, საცხოვრებელი ფართები სიმბოლურ ფასად, ერთ ლარად გადაეცემათ.
თბილისის მერმა, კახა კალაძემ საკუთრების დამადასტურებელი მოწმობები ამჯერად, სამგორის რაიონში მცხოვრებ 23 ოჯახს გადასცა.
პროექტის ფარგლებში, ამ ეტაპზე, საცხოვრებელი ფართებით 3 000-ზე მეტი ოჯახია დაკმაყოფილებული, დედაქალაქის მერიაში კი დაკანონების მსურველთა ასობით განაცხადია შემოსული, რომელთა განხილვა და დაკმაყოფილება ეტაპობრივად მიმდინარეობს.
კომენტარები