ალექსანდრე ჯეჯელავამ მთავრობის სხდომის დასრულების შემდეგ ჟურნალისტებთან მის ახალ მოვალეობებზე და დაგეგმილ ცვლილებებზე ისაუბრა.
როგორც ჯეჯელავამ აღნიშნა, ვიცე-პრემიერის რანგში, მისი საქმე მთავრობაში საზოგადოებასთან ურთიერთობის ხელმძღვანელობა იქნება.
“მეორე არის ახალგაზრდული პოლიტიკა, ამით რამდენიმე უწყებაა დაკავებული და შევეცდებით, რომ ერთიანი პოლიტიკის ფარგლებში, ეს საქმიანობა უფრო ეფექტიანი იყოს. რა იგულისხმება ეფექტურობაში, მაგალითად, საზაფხულო ბანაკები. როგორც იცით, ანაკლიის ბანაკი არის სპორტის სამინისტროს ტერიტორია. ცხადია, რაც მეტი ბანაკი გვექნება მით უკეთესი, რადგან 3 ათასამდე ბავშვი სარგებლობდა ანაკლიის ბანაკით და გაფართოების საშუალება არ იყო, თუმცა ჩემს უწყებაში არის პროფესიული სასწავლებლები, რომელიც შეიძლება გამოვიყენოთ ბანაკებისთვის. ყველა უწყების ცალკე ძალისხმევა კოორდინირებული იქნება და დახარჯულ ფულზე მეტი ეფექტი მივიღოთ”,- განაცხადა ჯეჯელევამ.