ღაზის სექტორში ომის დასრულების აუცილებლობაზე მიუთითებს რომის პაპი. საკვირაო ლოცვისას კათოლიკური ეკლესიის წინამძღვარმა ღაზის სექტორში შექმნილ ვითარებას საგანგებო ადგილი დაუთმო. მან ხაზი გაუსვა იმ შედეგს, რომელიც კონფლიქტს ბავშვებისთვის მოაქვს და 7 ოქტომბერს დაკავებული მძევლების გათავისუფლების აუცილებლობაზე ისაუბრა.
„ყოველდღე ტკივილით ვატარებ გულში პალესტინისა და ისრაელის მოსახლეობის ტანჯვას მიმდინარე საომარი მოქმედებების გამო. ათასობით დაღუპული, დაჭრილი, დევნილი. მართლა ფიქრობთ, რომ ამ გზით უკეთესი სამყაროს აშენებას შეძლებთ? მართლა ფიქრობთ, რომ მშვიდობას მიაღწევთ? საკმარისია, გთხოვთ! მოდით, ყველამ ვთქვათ – საკმარისია, გთხოვთ შეჩერდით!“, – განაცხადა რომის პაპმა ფრანცისკემ.
კომენტარები