ისრაელის თავდაცვის მინისტრი, იოავ გალანტი პენტაგონში აშშ-ის თავდაცვის მდივანს, ლოიდ ოსტინს შეხვდა. ინფორმაციას ამის შესახებ ისრაელური მედია ავრცელებს.
შეხვედრის დროს მხარეებმა განიხილეს ტერორისტული ორგანიზაცია „ჰამასის“ განადგურების უზრუნველსაყოფად საჭირო ოპერაციები, ასევე მძევლების გათავისუფლების კუთხით მიმდინარე ძალისხმევა.
გალანტმა ასევე წამოაყენა სტრატეგიული საკითხები და ხაზი გაუსვა ისრაელისა და აშშ-ის თავდაცვის დაწესებულებებს შორის მნიშვნელოვან თანამშრომლობას რეგიონში ისრაელის ხარისხობრივი სამხედრო უპირატესობის უზრუნველსაყოფად.
„დღეს ჩვენ განვიხილავთ ღაზაში განვითარებულ მოვლენებსა და ჩვენი მიზნების მიღწევის საშუალებებს: „ჰამასის“ განადგურებასა და მძევლების სახლში დაბრუნებას. მოლაპარაკებები მძევლების საკითხზე და „ჰამასის“ პოზიციებზე მოითხოვს ჩვენი სამხედრო და დიპლომატიურ ძალისხმევის გაერთიანებასა და „ჰამასზე“ ზეწოლის გაზრდას“, – აღნიშნა იოავ გალანტმა.