მოლდოვის პრეზიდენტი მაია სანდუ საქართველოს საბერძნეთთან გამარჯვებას და ევროპის ჩემპიონატზე გასვლას ულოცავს.
სანდუმ გამარჯვება ასევე მიულოცა უკრაინასა და პოლონეთს.
„ვულოცავ ჩვენს მეგობრებს უკრაინაში, პოლონეთსა და საქართველოში გუშინ ღამე „უეფას“ ევრო 2024-ზე მოხვედრას. თქვენმა ძლიერმა შრომამ შედეგი გამოიღო. გისურვებთ წარმატებებს და დასამახსოვრებელი მომენტებით სავსე ტურნირს“, – წერს მაია სანდუ „ტვიტერის“ პირად გვერდზე.
საქართველოს ნაკრებმა საბერძნეთის ნაკრები დაამარცხა და პირველად ისტორიაში ევროპის ჩემპიონატზე გავიდა.
კომენტარები