ესტონეთის პრემიერ-მინისტრის, კაია კალასის განცხადებით, ფრონტზე მყოფი უკრაინელი ჯარისკაცები ამბობენ, რომ საბრძოლო მასალების დეფიციტის გამო დაჭრილების გამოყვანაც კი არ შეუძლიათ. ამის შესახებ ესტონეთის საზოგადოებრივი მაუწყებელი (ERR) იტყობინება.
„ცოტათი შეშფოთებული ვარ, იმიტომ რომ ჩვენ ერთმანეთს ვამხნევებთ და ვაქებთ, მაგრამ უკრაინიდან მოდის ცნობები, რომ ჯარისკაცებამდე საბრძოლო მასალა არ აღწევს. თუ ამას უზრუნველვყოფთ და საბრძოლო მასალას უკრაინაში ჩავიტანთ და უკრაინული ჯარი საპასუხო დარტყმას განახორციელეს, ეს ეფექტიანი ნაბიჯი იქნება. ახლა ვკითხულობ მემორანდუმებს, რომლებშიც ფრონტზე მყოფი უკრაინელი ჯარისკაცები ამბობენ, რომ საბრძოლო მასალების დეფიციტის გამო დაჭრილების გამოყვანაც კი არ შეუძლიათ“, – აღნიშნა კაია კალასმა.
კომენტარები