რუმინეთი და ბულგარეთი 31 მარტიდან შენგენის ზონას შეუერთდებიან – ეს კი იმას ნიშნავს, რომ ორივე ქვეყანაზე, ამიერიდან, შენგენის წესები გავრცელდება და ეს ვიზების გაცემასაც შეეხება, ასევე, გაუქმდება შიდა საჰაერო და საზღვაო საზღვრებზე კონტროლი.
თარიღი, რომლის შემდეგაც სახმელეთო საზღვრებზე კონტროლი გაუქმდება, ევროკავშირის საბჭოს ჯერ არ შეუთანხმებია.
“ხვალ მნიშვნელოვანი დღეა: ბულგარეთი და რუმინეთი უერთდებიან შენგენის ოჯახს, მივესალმები შიდა საჰაერო და და საზღვაო საზღვარზე შემოწმების გაუქმებას. ეს არის დიდი წარმატება ორივე ქვეყნისთვის. ეს არის ისტორიული მომენტი შენგენის ზონისთვის, მსოფლიოში თავისუფალი გადაადგილების უდიდესი სივრცისთვის. ერთად, ჩვენ ვაშენებთ უფრო ძლიერ, უფრო ერთიან ევროპას ყველა ჩვენი მოქალაქისთვის”, – ამბობს ევროკომისიის პრეზიდენტი, ურსულა ფონ დერ ლაიენი.