“როცა ხაზარაძე და მისი პარტნიორი “ნაცმოძრაობა“ დაკავებულნი იყვნენ ბიზნესის რეკეტით, სიღარიბის მაჩვენებელი იყო 1 100 000 ადამიანი, დღეს 600.000-ზე ნაკლებია”

ყველაფერზე მეტყველებს ის მონაცემები, რომლებიც გვაქვს, რაც შეეხება სიღარიბის შემცირებას, სიღარიბის მაჩვენებელი იყო 1 100 000 ადამიანი 2012 წელს, როდესაც ხაზარაძე და მისი პარტნიორი „ნაციონალური მოძრაობა“ ერთად იყვნენ დაკავებული ბიზნესის რეკეტით, დღევანდელი მაჩვენებელი ჩამოცდენილია 600 ათასს. ეს ნიშნავს, რომ პრაქტიკულად განახევრდა სიღარიბე ჩვენს ქვეყანაში, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.

პრემიერის აცხადებს, რომ ეკონომიკურ ზრდასთან ერთად სიღარიბის მაჩვენებლები კიდევ უფრო შემცირდება.

„ჩვენი ამოცანაა, ეკონომიკური ზრდის მაღალი ტემპის შენარჩუნება. წინა თვეში გვქონდა 9,5 პროცენტი ეკონომიკური ზრდა, რაც არის ძალიან მაღალი მაჩვენებელი. ჩვენი მიზანია, ეს ტენდენციის შევინარჩუნოთ. ასეთ პირობებში კიდევ მეტად შემცირდება სიღარიბე ქვეყანაში. ეს მოგცემს საშუალოვადიან პერსპექტივაში სიღარიბის სრულად აღმოფხვრის საშუალებას. ეს არის ჩვენი ერთ-ერთი უმთავრესი ამოცანა“, – განაცხადა კობახიძემ.