საპატრიარქოს მსჯავრდებულებთან ურთიერთობის დეპარტამენტის თავმჯდომარის, დეკანოზ გიორგი თევდორაშვილის ინფორმაციით, ციანიდის საქმეში ბრალდებულის, მამა გიორგი მამალაძის ზიარებაზე სასჯელაღსრულების სამინისტროდან თანხმობა მიღებულია.
როგორც დეკანოზმა ჟურნალისტებთან საუბრისას აღნიშნა, ჯერჯერობით დაზუსტებული არ არის, თუ როდის შევა სასულიერო პირი მამა გიორგი მამალაძის საზიარებლად.
”დეკანოზ გიორგი მამალაძის ზიარებაზე თანხმობა სასჯელაღსრულების სამინისტროდან მიღებულია. მე როცა განვაცხადე, მას შემდეგ დაგვრთეს ნება ზიარებაზე. მამა გიორგი არ იქნება მიტოვებული, მე გაძლევთ პირობას. ზიარების დრო ჯერჯერობით უცნობია. უახლოეს პერიოდში, უწმინდესი გადაწყვეტს, რომ მასთან შევიდეს სასულიერო პირი. მე თვითონ ველოდები ზარს”, – განაცხადა მამა გიორგი თევდორაშვილმა.
კომენტარები