აზერბაიჯანის თავდაცვის სამინისტროში განაცხადეს, რომ აზერბაიჯანის არმია მთიან ყარაბაღში ანტიტერორისტულ ოპერაციას ახორციელებს.
„აზერბაიჯანის არმიის მიერ ყარაბაღის რეგიონში განხორციელებული ანტიტერორისტული ოპერაციის საწყის ეტაპზე სომხური შეიარაღებული ძალების სამეთვალყურეო და სათვალთვალო საშუალებები მწყობრიდან გამოყვანილია, როგორც ლეგიტიმური სამხედრო სამიზნეები“, – ნათქვამია განცხადებაში.
სომხეთის თავდაცვის სამინისტროს ვითარებაზე კომენტარი ჯერ არ გაუკეთებია.
31 მარტს ერევანმა განაცხადა, რომ „სომხეთის თავდაცვის სამინისტრო სომხეთ-აზერბაიჯანის სახელმწიფო საზღვარზე ბოლო დროს ოპერატიულ სიტუაციას აფასებს, როგორც სტაბილურს და არ ხედავს საზღვრის დაცვის დამატებითი ზომების გატარების აუცილებლობას“.
კომენტარები