თეთრმა სახლმა შეშფოთება გამოთქვა ისრაელის პარლამენტის მიერ Al Jazeera-ს შესახებ მიღებულ კანონთან დაკავშირებით, რომელიც მთავრობას ანიჭებს დროებით უფლებამოსილებას, გათიშოს უცხოური საინფორმაციო ქსელები ისრაელში, თუ მიიჩნევს, რომ ისინი ზიანს აყენებენ ეროვნულ უსაფრთხოებას.
„ჩვენ გვჯერა პრესის თავისუფლების. [ეს] კრიტიკულად მნიშვნელოვანია. შეერთებული შტატები მხარს უჭერს კრიტიკულად მნიშვნელოვან სამუშაოს, რომელსაც ასრულებენ ჟურნალისტები მთელ მსოფლიოში, და ეს მოიცავს მათ, ვინც აშუქებს ღაზაში კონფლიქტს. თუ ეს ცნობები მართალია, ეს ჩვენთვის შემაშფოთებელია“, – აღნიშნა თეთრი სახლის პრესმდივანმა, კარინ ჟან-პიერმა.
ისრაელის კომუნიკაციების მინისტრმა, შლომო კარჰიმ საბოლოო კენჭისყრის შემდეგ პირობა დადო, რომ კატარის მიერ დაფინანსებული საინფორმაციო არხი უახლოეს დღეებში დაიხურება და თქვა, რომ ისრაელში „ჰამასის“ რუპორებისთვის გამოხატვის თავისუფლება არ იქნება.