ქართული მართლმსაჯულება უნდა დაკომპლექტდეს საქართველოს კანონმდებლობის შესაბამისად და არა უცხოური ძალების შესაბამისად, – ამის შესახებ პოლიტიკური პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა განაცხადა.
მისი თქმით, სამწუხაროა, რომ რამდენიმე მოსამართლე აღმოჩნდა საქართველოს მართლმსაჯულებაში, ვინც ამბობს, რომ არ იციან, არიან თუ არა კეთილსინდისიერები.
„ძალიან სამწუხაროა, რომ რამდენიმე მოსამართლე აღმოჩნდა საქართველოს მართლმსაჯულებაში, ვინც ამბობს, ჩვენ არ ვიცით, ვართ თუ არა კეთილსინდისიერები, ეს იციან ჩვენმა დეიდებმა და ბიძიებმა, რომლებიც დაატარებენ ამ მოსამართლეებს „ატაში“, შოკოლადებს ყიდულობენ და ეუბნებიან, რომ ჩახვალ ახლა, ის თქვი, რასაც მე გეტყვი“, – აღნიშნა გურამ მაჭარაშვილმა.
აშშ-ის საელჩოს წარმომადგენელსა და მართლმსაჯულების მიმართულების კურატორ ნატა წნორიაშვილს ფავორიტ მოსამართლეთა პრივილეგირებული ჯგუფი ჰყავს, რომელიც სასამართლოში ე.წ. ვეტინგის მომხრეთა ჯგუფს წარმოადგენს.