ბელგიის პრემიერ-მინისტრმა, ალექსანდერ დე კროომ სასამართლოში უჩივლა ადგილობრივ რადიოწამყვანს, რომელმაც მსმენელებს მოუწოდა, მთავრობის მეთაურს ესროლონ. ამის შესახებ ინფორმაციას გამოცემა Politico ავრცელებს.
დე კროოს პრესსამსახურის წარმომადგენლის, ბარენდ ლეიტსის განცხადებით, ჟურნალისტმა მოუწოდა მსმენელებს, „იმოქმედონ დაცვის არსებობის მიუხედავად“.
„ძალადობისკენ მოწოდება დასჯადია. საჩივარი შეტანილია ვარეგემის პოლიციაში. პრემიერი თავის კამპანიას აგრძელებს“, – აცხადებს ლეიტსი.
ადგილობრივი მედიის ცნობით, რადიო Waregem1-ის წამყვანმა განაცხადა: „მათ, ვინც ალექსანდერ დე კროოსზე თავდასხმას გეგმავს, თუმცა ვერ ბედავს მისი დაცვის გამო. ხედავთ, რომ პრემიერისთვის სროლა შესაძლებელია. ამიტომ გეტყვით: იმოქმედეთ“.
კომენტარები