გერმანიაში კლიმატის დამცველი აქტივისტების დემონსტრაციის გამო მიუნხენის აეროპორტი დროებით დაიხურა, ინფორმაციას „დოიჩე ველე“ ავრცელებს.
როგორც მედია წერს, კლიმატის დამცველმა აქტივისტებმა ასაფრენი ბილიკები დაიკავეს. აქციის მონაწილეების მიერ გამართულ ერთ-ერთ ბანერზე ეწერა: „პრობლემა მთავრობაა და არა ჩვენი დღესასწაული“.
პოლიციის ცნობით, დაკავებულია, სულ მცირე, 8 აქტივისტი.
აეროპორტის სპიკერმა განაცხადა, რომ მიუნხენის აეროპორტი თითქმის ორი საათის განმავლობაში სრულად დაკეტილი იყო აფრენისა და დაფრენისთვის. დაახლოებით 11 რეისი გადამისამართდა სხვადასხვა აეროპორტში, 60-მდე ფრენა კი გაუქმდა.
კომენტარები