აღმაშფოთებელია სისხლის სამართლის საერთაშორისო სასამართლოს გადაწყვეტილება ისრაელის ლიდერების დაპატიმრების ორდერის შესახებ, – ამის შესახებ აშშ-ის პრეზიდენტმა, ჯო ბაიდენმა განაცხადა.
ბაიდენმა გააკრიტიკა სისხლის სამართლის საერთაშორისო სასამართლოს პროკურორის, კარიმ ხანის განცხადება ისრაელელი ოფიციალური პირების, მათ შორის ისრაელის პრემიერ-მინისტრის, ბენიამინ ნეთანიაჰუს დაპატიმრების ორდერის შესახებ.
„ნება მომეცით, გარკვევით განვმარტო: რასაც არ უნდა გულისხმობდეს ეს პროკურორი, ისრაელსა და „ჰამასს“ შორის არ არსებობს ტოლობის ნიშანი. ჩვენ ყოველთვის ვიქნებით ისრაელის გვერდით მისი უსაფრთხოების დაცვაში“, – აღნიშნულია ბაიდენის განცხადებაში.
შეგახსენებთ, სისხლის სამართლის საერთაშორისო სასამართლოს პროკურორი კარიმ ხანი ისრაელის პრემიერ-მინისტრისა და „ჰამასის“ ლიდერების დაკავების ორდერის გაცემას ითხოვს.