რუსეთმა და უკრაინამ ტყვეები გაცვალეს. მხარეებმა ერთმანეთს 75-75 ტყვე გადასცეს.
შესაბამის ინფორმაციას რუსეთის თავდაცვის სამინისტრო ავრცელებს. უკრაინულ მხარეს ტყვეების გაცვლასთან დაკავშირებით ოფიციალური ინფორმაცია არ გაუვრცელებია, თუმცა აღნიშნულის შესახებ უკრაინელი სამხედროები ტელეგრამ-არხებზე წერენ.
ბოლო თვეების განმავლობაში მხარეებს შორის ეს ტყვეების პირველი გაცვლაა. რუსეთის თავდაცვის უწყების ცნობით, ის არაბთა გაერთიანებული საამიროების შუამავლობით შედგა.
ამასთან, სამხედრო ტყვეების საკითხზე მომუშავე უკრაინის საკოორდინაციო შტაბი იტყობინება, რომ რუსეთმა უკრაინას 212 უკრაინელი ჯარისკაცის ცხედარი გადასცა. მანამდე რუსეთის სახელმწიფო დუმაში განაცხადეს, რომ უკრაინულმა მხარემ რუსეთს 45 რუსი სამხედროს ცხედარი დაუბრუნა.
კომენტარები