რა უძღოდა წინ „ნაციონალური მოძრაობის“ ოფისთა მომხდარ დაპირისპირებას, „ქრონიკის“ მიერ მოპოვებულ ვიდეოჩანაწერებში ჩანს.
„ნაციონალურ მოძრაობაში“ არ საუბრობენ ინციდენტის რაიმე წინა პირობაზე, თუმცა „ქრონიკამ“ ექსკლუზიურად მოიპოვა ინფორმაცია და სამი ვიდეო ჩანაწერი, რომლებიც რეალობას ასახავს.
პირველსა და მეორე ვიდეო ჩანაწერებს შორის, დაახლოებით ნახევარ საათიანი ინტერვალია. პირველ ვიდეოში ჩანს სიტყვიერი შეურაცხყოფა და დაპირისპირება დაცვის თანამშრომლებსა და ახალგაზრდებს შორის. დაცვის თანამშრომლებს ხელში უჭირავთ ე.წ. ბიტები და ერთმანეთს იარაღის სროლისკენ მოუწოდებენ, ხოლო ახალგაზრდა ერთ-ერთის მისამართით საღებავის ქილას ისვრის.
„ქრონიკის“ ინფორმაციით, ლევან ხაბეიშვილის დაცვის თანამშრომლებმა ბეისბოლის ბიტებით სასტიკად სცემეს 19 წლის ახალგაზრდა, რომელიც სხვადასხვა წარწერებს აკეთებდა „ნაცმოძრაობის“ ოფისზე და რომელმაც ვიდეოშიც ჩანს, რომ დაცვის თანამშრომელს საღებავის ქილა ესროლა. ბუნებრივია, ამის ამსახველი ვიდეო კადრები დეტალურად აქვთ დაფიქსირებული „ნაცმოძრაობის“ ოფისზე დამონტაჟებულ ვიდეო კამერებს.
მეორე ვიდეო ჩანაწერი ქრონიკის ინფორმაციით პირველიდან, დაახლოებით ნახევარი საათის ინტერვალშია გადაღებული. ისმის ახალგაზრდების მოწოდებები, რომ მათ არ დაამტვრიონ ინვენტარი, შემდეგ ამავე ვიდეოში ისმის არაერთი გასროლის ხმა. როგორც ვიდეოშივე ჩანს, განხორციელებული „ნაციონალური მოძრაობის“ მხრიდან.
მესამე ვიდეოში ჩანს, როგორ ამსხვრევენ ახალგაზრდები „ნაციონალური მოძრაობის“ ოფისის მინებს.