გერმანიის სამხრეთით, ძლიერი წყალდიდობის შედეგად ორი ადამიანი დაიღუპა. ამის შესახებ AP წერს.
ბავარიის პრემიერის მარკუს ზიოდერის განცხადებით, სტიქიის ზონაში ვითარება კვლავ კრიტიკულად მძიმეა. ახალი წყალმოვარდნების გამო, მიმდინარეობს მოსახლეობის ევაკუაცია. წყალდიდობის დროს გერმანიის სამხრეთ ნაწილში რამდენიმე დასახლება დაიტბორა და დაზიანდა კაშხლები.
სტიქიის შედეგად დაზარალებულ ბავარიის ერთ-ერთ სოფელში, დღეს გერმანიის კანცლერი, ოლაფ შოლცი ჩავიდა, რომელიც მოსახლეობას ფედერალურ დახმარებას შეჰპირდა და აღნიშნა, რომ აქტიურად გააგრძელებს ბრძოლას კლიმატის ცვლილების წინააღმდეგ.
კომენტარები