უკრაინა რუსეთის ტერიტორიაზე ინფრასტრუქტურულ ობიექტებს ბომბავს. ამის შესახებ ადგილობრივი მედია წერს.
მათი ცნობით, დრონებით თავდასხმა ამჯერად როსტოვის ოლქის ქალაქ ნოვოშახტინსკზე განხორციელდა. უკრაინელების სამიზნე ნავთობგადამამუშავებელი ქარხანა გახდა. ბელგოროდის ოლქში კი უკრაინელებმა სტარიოსკოლის ნავთობსაცავის ტერიტორია დაბომბეს.
ინფორმაცია მსხვერპლის შესახებ არ გავრცელებულა. თავდასხმების ამსახველი კადრები ადგილობრივი ინსტაგრამ-არხებით გამოქვეყნდა.
კომენტარები