“არ ვიცი პირადად მეხება თუ არა სანქცია მაგრამ თუ მეხება ეს კიდევ ერთხელ მარწმუნებს, რომ სწორად მოვიქეცით მეც და “ქართული ოცნების” ყველა დეპუტატიც”

გვარამიოიდების გასაგონად: მე არ ვიცი, პირადად მე მეხება თუ არა ეს „სანქცია”, მაგრამ თუ მეხება ან მომავალში შემეხება, ეს კიდევ ერთხელ მარწმუნებს, რომ აბსოლუტურად სწორად მოვიქეცით მეც და “ქართული ოცნების” ყველა დეპუტატიც, – ამის შესახებ საპარლამენტო უმრავლესობის წევრი ირმა ზავრადაშვილი სოციალურ ქსელში წერს.

დეპუტატი აღნიშნავს, რომ მართალ საქმეს სანქცია ვერ შეაჩერებს.

„P.S. ისა და, ბლინკენს ახლა გაახსენდა, სანქცირებულის ვინაობის გასაჯაროება რომ არ შეიძლება? მოსამართლეების დასანქცირებისას არ ახსოვდა ეგ საკითხი“, – წერს ზავრადაშვილი.

ამერიკის შეერთებული შტატების სახელმწიფო დეპარტამენტმა სავიზო შეზღუდვები ოფიციალურად გამოაცხადა. სავიზო შეზღუდვების პირველი პაკეტი მოიცავს „ქართული ოცნების“ პარტიის წევრებს, პარლამენტის წევრებს, სამართალდამცველებსა და კერძო პირებს. სავიზო შეზღუდვები ასევე შეეხება სასანქციო სიაში მოხვედრილი პირების ოჯახის წევრებს.