შეერთებულ შტატებს უკრაინისთვის, ამერიკული იარაღით კრემლზე დარტყმის უფლება არ მიუცია, – ამის შესახებ თეთრი სახლის ლიდერმა ჯოზეფ ბაიდენმა განაცხადა. როგორც შეერთებული შტატების პრეზიდენტმა განმარტა, უკრაინას ამერიკული იარაღის გამოყენების უფლება მხოლოდ საზღვრის სიახლოვეს მდებარე ტერიტორიებზე ეძლევა.
ABC News-თან ინტერვიუში ბაიდენმა რუსი კოლეგის შესახებაც ისაუბრა. პუტინს მან უწესო ადამიანი და დიქტატორი უწოდა.
„მას [პუტინს] 40 წელზე მეტია, რაც ვიცნობ. 40 წელზე მეტია, რაც მაშფოთებს – ის წესიერი ადამიანი არ არის, ის დიქტატორია. რაც შეეხება ამერიკულ იარაღს, იმაზე არ ვსაუბრობთ, რომ ეს იარაღი გადავცეთ მოსკოვზე და კრემლზე დარტყმისთვის, არამედ მხოლოდ საზღვრის იქითა მხარეს, რომელსაც რუსები უკრაინაში შეჭრისა და უკრაინელების მკვლელობისთვის იყენებს“, – აღნიშნა ბაიდენმა.