ცვლილება საყოველთაო ჯანდაცვის პროგრამაში მოქალაქეების ნაწილს მედიკამემტებზე წვდომის შესაძლებლობას აძლევს. დაგეგმილ ნაბიჯებს მედიას ჯანდაცვის მინისტრი აცნობს.
დავით სერგეენკოს განცხადებით, სტაციონარში მკურნალობისას მედიკამენტი პაციენტებისთვის ფინანსდებოდა, თუმცა წამლების ის ნაწილი, რაც ქრონიკული დაავადებებისას უნდა მიიღონ მოქალაქეებმა, საავადმყოფოს გარეთ პრობლემური იყო.
ცვლილებების თანახმად მიზნობრივი ჯგუფის წარმომადგენელთა ნაწილს, კონკრეტულად კი მარტოხელა პენსიონერებს და სოციალურად დაუცველებს ამგვარი მედიკამენტების ყიდვას სახელმწიფო დაუფინანსებს.
მოქალაქეები, რომელთა შემოსავალიც წელიწადში 40 000 ლარზე მეტია საყოველთა ჯანდაცვის პროგრამით ვერ ისარგებლებენ. ეს ერთ-ერთი ცვლილებაა, რომელსაც განახლებული საყოველთა ჯანდაცვის პროგრამა ითვალისწინებს. ჯანდაცვის მინისტრი განმარტავს, რომ მაღალშემოსავლიანი მოქალაქეებისთვის დაწესებული შეზღუდვა არ შეეხება მათ ოჯახის წევრებს, ანუ იმოქმედებს კონკრეტულ ადამიანზე და არა ოჯახზე.
საყოველთაო ჯანდაცვის პროგრამაში ცვლილებები საბოლოოდ მთავრობის სხდომაზე უნდა დამტკიცდეს.