მთავრობის ადმინისტრაციის შენობის წინ, „ბავშვთა სამყაროში“ გაჩენილი ხანძრის შედეგად დაზარალებული მოვაჭრეების აქცია მიმდინარეობს. სამართალდამცავებსა და დაზარალებულ მოვაჭრეებს შორის ცოტა ხნის წინ ინციდენტი მოხდა. მოვაჭრეებმა მთავრობის ადმინისტრაციის შენობის წინ კარავი გაშალეს, თუმცა სამართალდამცავებმა მათ კარავი ჩამოართვეს. დაზარალებულთა განცხადებით, მათ თბილისის მერია გაფრთხილებული ჰყავდათ. მათი განცხადებით, ისინი არ დაიშლებიან, ვიდრე არ მოხდება მათი მოთხოვნების დაკმაყოფილება. მოვაჭრეები მოითხოვენ ერთჯერადი კომპენსაციის სახით 5 000 ლარს და ალტერნატიული ფართის გამოყოფას, სადაც ვაჭრობას გააგრძელებენ.
კომენტარები