ეს იყო დიდი მარხვის პარასკევი დღე, როდესაც ღამენათევ მრევლს თავს დაესხნენ, – ამის შესახებ ბასილ მკალავიშვილმა ტელეკომპანია “იბერიას” თოქშოუ “პრიორტეტში” განაცხადა და აღნიშნა, რომ საქართველოში რაც სპეცნაზია, მთლიანად იყო მობილიზებული.
მამა ბასილ მკალავიშვილი აცხადებს, რომ გლდანის ეკლესიის დარბევა ექს-პრეზიდენტმა მიხეილ სააკაშვილმა შავნაბადას რეზიდენციაში დაგეგმა.
“ნაცმოძრაობის წარმომადგენლები, რომელიც მთელი ღამე სხვადასხვა რესტორანში იმყოფებოდნენ, დათვრნენ. იქ იყვნენ ბოკერიას თამადობით ყველა და დილის 6 საათზე მიიღეს ამერიკიდან ბრძანება, როდესაც სოროსი და სააკაშვილი ტელევიზორთან მოკალათდნენ ამერიკაში და უყურებდნენ ჩვენს დარბევას. ეს იყო დიდი მარხვის პარასკევი დღე, როდესაც ღამენათევ მრევლს თავს დაესხნენ. არ ინდობდნენ არც ბავშვებს და არც ქალებს”, – განაცხადა მკალავიშვილმა.