დიდ ბრიტანეთში მიგრანტების წინააღმდეგ გამართულ აქციებზე არეულობებში მონაწილეობისთვის სამართალდამცველებმა 1000-ზე მეტი პირი დააკავეს. ინფორმაციას მედია პოლიციაზე დაყრდნობით ავრცელებს.
დაკავებულთაგან 575 პირს ბრალი ძალადობაში, ცეცლის გაჩენაში, ძარცვასა და რასისტული ნიშნით თავდასხმებში ედება. დაკავებულთა შორის არიან არასრულწლოვნებიც.
დიდ ბრიტანეთში გამართული აქციები საუთპორტში მომხდარ ინციდენტს უკავშირდება, სადაც 17 წლის მოზარდი დანით დაესხა თავს საბავშვო საცეკვაო სკოლის მიერ ორგანიზებული ღონისძიების მონაწილეებს. შედეგად, მოკლულია სამი მცირეწლოვანი გოგო, ხოლო კიდევ რვა ბავშვი დაშავდა.
თავდაპირველად ვრცელდებოდა ცნობა, რომ თავდამსხმელი რადიკალი ისლამისტი მიგრანტი იყო. მოგვიანებით ცნობილი გახდა, რომ წარმოშობით რუანდელი ბოროტმოქმედი კარდიფშია დაბადებული.